ਡੇਰਾ ਚੈਰੀਟੇਬਲ ਹਸਪਤਾਲ ਭੋਟਾ ਹੋਇਆ ਬੰਦ ਤੇ ਸੰਗਤ ਨੇ ਕੀਤਾ ਪ੍ਰਦਰਸ਼ਨ
ਡੇਰਾ ਚੈਰੀਟੇਬਲ ਹਸਪਤਾਲ ਭੋਟਾ ਦੇ ਕੋਲ ਲੋਕਲ ਲੋਕਾਂ ਨੇ ਵਿਰੋਧ ਪ੍ਰਦਰਸ਼ਨ ਕੀਤਾ ਤੇ ਸੜਕ ਜਾਮ ਕੀਤੀ। ਬਿਨਾਂ ਕਿਸੇ ਸੂਚਨਾ ਤੋਂ ਕੀਤੇ ਗਏ ਵਿਰੋਧ ਪ੍ਰਦਰਸ਼ਨ ਦੇ ਨਾਲ ਯਾਤਾਯਾਤ ਪ੍ਰਭਾਵਿਤ ਹੋਇਆ। ਪ੍ਰਸ਼ਾਸਨ ਨੇ ਕਾਰਵਾਈ ਕਰਦੇ ਹੋਏ ਪੁਲਿਸ ਨੂੰ ਮੌਕੇ ਤੇ ਭੇਜਿਆ ਤੇ ਪੁਲਿਸ ਨੇ ਲੋਕਾਂ ਨੂੰ ਸਮਝਾ ਕੇ ਸਥਿਤੀ ਨੂੰ ਨਿਯੰਤਰਣ ਦੇ ਵਿੱਚ ਕੀਤਾ। ਲੋਕਲ ਲੋਕਾਂ ਦਾ ਕਹਿਣਾ ਸੀ ਕਿ ਹਸਪਤਾਲ ਇੱਕ ਦਸੰਬਰ ਤੋਂ ਬੰਦ ਹੋ ਜਾਵੇਗਾ ਜਦ ਕਿ ਐਸਡੀਐਮ ਨੇ ਉਹਨਾਂ ਨੂੰ ਆਸ਼ਵਾਸਨ ਦਿੱਤਾ ਕਿ ਹਸਪਤਾਲ ਬੰਦ ਨਹੀਂ ਹੋਵੇਗਾ ਤੇ ਇਸ ਦੇ ਲਈ ਸਰਕਾਰੀ ਕਾਰਵਾਈ ਚੱਲ ਰਹੀ ਹੈ।
ਐਸਡੀਐਮ ਨੇ ਉਥੋਂ ਦੇ ਲੋਕਲ ਲੋਕਾਂ ਦੀ ਗੱਲ ਸਰਕਾਰ ਤੱਕ ਪਹੁੰਚਾਉਣ ਦਾ ਆਸ਼ਵਾਸਨ ਦਿੱਤਾ। ਮੁੱਖ ਮੰਤਰੀ ਸੁਖਵਿੰਦਰ ਸਿੰਘ ਸੁੱਖੂ ਦੇ ਆਸ਼ਵਾਸਨ ਦੇ ਬਾਵਜੂਦ ਭੋਟਾ ਚੈਰੀਟੇਬਲ ਹਸਪਤਾਲ ਦੇ ਬੰਦ ਹੋਣ ਦੀ ਸੂਚਨਾ ਹਸਪਤਾਲ ਦੇ ਗੇਟ ਤੇ ਲਗਾਨ ਨਾਲ ਲੋਕ ਭੜਕ ਗਏ ਤੇ ਨਾਰਾਜ਼ ਲੋਕਾਂ ਨੇ ਸ਼ਿਮਲਾ-ਮਟੋਰ ਨੈਸ਼ਨਲ ਹਾਈਵੇ ਤੇ ਚੱਕਾ ਜਾਮ ਕੀਤਾ। ਲਗਭਗ ਦੋ ਘੰਟੇ ਤੱਕ ਲੋਕ ਹਸਪਤਾਲ ਦੇ ਬਾਹਰ ਧਰਨਾ ਪ੍ਰਦਰਸ਼ਨ ਕਰਦੇ ਰਹੇ ਹਾਲਾਂਕਿ ਕੁਝ ਟਾਈਮ ਬਾਅਦ ਯਾਤਾਯਾਤ ਬਹਾਲ ਕਰ ਦਿੱਤਾ ਗਿਆ।
ਹਸਪਤਾਲ ਬੰਦ ਹੋਣ ਦੀ ਸੂਚਨਾ ਤੋਂ ਗੁੱਸੇ ਹੋਏ ਲੋਕਾਂ ਨੇ ਸੋਮਵਾਰ ਨੂੰ ਸਰਕਾਰ ਦੇ ਖਿਲਾਫ ਜੰਮ ਕੇ ਨਾਅਰੇਬਾਜ਼ੀ ਕੀਤੀ ਤੇ ਹਸਪਤਾਲ ਦੇ ਸੰਚਾਲਨ ਨੂੰ ਜਾਰੀ ਰੱਖਣ ਦੀ ਮੰਗ ਕੀਤੀ। ਲੋਕਲ ਲੋਕਾਂ ਨੇ ਮੰਗ ਉਠਾਈ ਕਿ ਡੇਰਾ ਪ੍ਰਬੰਧਨ ਦੀ ਮੰਗ ਨੂੰ ਪੂਰਾ ਕੀਤਾ ਜਾਵੇ। ਭੋਟਾ ਸਥਿਤ ਇਸ ਹਸਪਤਾਲ ਦਾ ਸੰਚਾਲਨ ਡੇਰਾ ਕਰ ਰਿਹਾ ਹੈ। ਸੰਸਥਾ ਹਸਪਤਾਲ ਦੀ ਜਮੀਨ ਨੂੰ ਆਪਣੀ ਹੀ ਇੱਕ ਹੋਰ ਸੋਸਾਇਟੀ ਮਹਾਰਾਜ ਜਗਤ ਸਿੰਘ ਰਿਲੀਫ ਸੁਸਾਇਟੀ ਦੇ ਨਾਮ ਹਸਤਾੰਤਰਿਤ ਕਰਨਾ ਚਾਹੁੰਦੀ ਹੈ ਤਾਂ ਕਿ ਹਸਪਤਾਲ ਦੀ ਸੁਵਿਧਾਵਾਂ ਨੂੰ ਅਪਗ੍ਰੇਡ ਕੀਤਾ ਜਾ ਸਕੇ ਤੇ ਮਸ਼ੀਨਰੀ ਤੇ ਹੋਰ ਉਪਕਰਨਾਂ ਦੀ ਖਰੀਦ ਵਿੱਚ ਜੀਐਸਟੀ ਤੋਂ ਛੂਟ ਮਿਲ ਸਕੇ।
ਇਹ ਮਾਮਲਾ ਸਰਕਾਰ ਦੇ ਕਾਨੂੰਨ ਵਿਭਾਗ ਦੇ ਕੋਲ ਲੰਬਿਤ ਪਿਆ ਹੈ। ਇਸ ਵਿੱਚ ਹਿਮਾਚਲ ਪ੍ਰਦੇਸ਼ ਸੀਲਿੰਗ ਆਨ ਲੈਂਡ ਹੋਲਡਿੰਗ ਐਕਟ ਆੜੇ ਆ ਰਿਹਾ ਹੈ ਜਿਸ ਵਿੱਚ ਧਾਰਾ 118 ਦੀ ਅਨੁਮਤੀ ਵੀ ਜਰੂਰੀ ਰਹੇਗੀ। ਮੁੱਖ ਮੰਤਰੀ ਨੇ ਅਧਿਆਦੇਸ਼ ਲਿਆਉਣ ਦੀ ਗੱਲ ਕਹੀ ਹੈ। ਸੀਐਮ ਨੇ ਕਿਹਾ ਹੈ ਕਿ ਰਾਜ ਸਰਕਾਰ ਚਾਹੁੰਦੀ ਹੈ ਕਿ ਡੇਰੇ ਵਰਗੀਆਂ ਸੰਸਥਾਵਾਂ ਲੋਕਾਂ ਦੀ ਸੇਵਾਵਾਂ ਕਰਦੀਆਂ ਰਹਿਣ।
ਇਸ ਸੰਬੰਧ ਵਿੱਚ ਅਗਰ ਕੋਈ ਪ੍ਰਾਵਧਾਨ ਕੀਤਾ ਜਾ ਸਕਦਾ ਹੈ ਤਾਂ ਇਸ ਵਿੱਚ ਸਾਰੀਆਂ ਵਿਧੀ ਪਹਿਲੂਆਂ ਨੂੰ ਵਿਚਾਰ ਕੀਤਾ ਜਾਵੇਗਾ। ਸ਼ੀਤਕਾਲੀਨ ਸੱਤਰ ਵਿੱਚ ਇਸ ਤੇ ਵਿਚਾਰ ਕੀਤੀ ਜਾਵੇਗੀ ਤੇ ਅਗਰ ਕਾਨੂੰਨ ਵਿੱਚ ਕੋਈ ਬਦਲਾਵ ਕਰਨਾ ਪਿਆ ਤਾਂ ਉਸ ਨੂੰ ਵੀ ਕਰਾਂਗੇ। ਦੂਜੇ ਪਾਸੇ ਹਸਪਤਾਲ ਦੇ ਪ੍ਰਸ਼ਾਸ਼ਕ ਕਰਨਲ ਜੱਗੀ ਨੇ ਕਿਹਾ ਕਿ ਡੇਰਾ ਪ੍ਰਬੰਧਨ ਵੱਲੋਂ ਮਿਲੇ ਆਦੇਸ਼ਾਂ ਤੇ ਨੋਟੀਫਿਕੇਸ਼ਨ ਲਗਾਇਆ ਗਿਆ ਹੈ। ਸਰਕਾਰ ਵੱਲੋਂ ਫਿਲਹਾਲ ਲਿਖਤ ਵਿੱਚ ਕੋਈ ਆਸ਼ਵਾਸਨ ਨਹੀਂ ਦਿੱਤਾ ਗਿਆ ਹੈ।
Posted by:- Harjit Singh
